من طرف | الو عويشة علاش ما جيتيش في عزومة صبرية؟؟ عويشة...ياوخيتي ماجتنيش في اسبوع بنتي لاباس نمشيلها !! قوليلى شنو حطولكم؟؟ سالمة...قولي شنو ماحطولكمش ! حيه حيه اول حاجة جابولنا هذاكا العصير مع شكلاطة فيريرو روشي بعدين الشاهي والمكسرات وكيكة الكيوي ياوخيتى تذوب في الفم وبعدين بدو يفرقو ال... عويشة.......اسكتي راهو كله بفلوس الحرام راجلها شادينه ..دكوه في دار خالته في قضية اختلاس راهي ماتكسب حاااجة..شنو لابسة بالله عليك؟؟؟ سالمة..... ..اوووه سوارييه ظهر عريان اسود ومطروز بالكريستال يهبل ياوخيتي وهي بيضة حمرا زي الرومية....ما هو امها جبالية ماشاءالله عويشة.......هاها هدا مش ليها هدا السوارييه طالباته من بنت خالتها حنان شفتها لابساته في حفلة ايناس شنو نسيتي ..بالله على ذكر حنان واخدة راجل سفير في النمسا امالا زي رجالنا اللي طايحين فيهم اووف اهو خير من قعاد الحوش سالمة .. ... املا كان شفتي بنيتها تقولي قمر وهداكا القد والطول و البيوضية والحاجب والعين الخضرا من بعيد تللش . يا ريت ناخدوها لخوي اصطوفة!!!! عويشة .... لالالالا منين جتها الخضورية ياحنة اى والله اراك فارحة عدسات عدساااات اني نعرفها و راهي كانت حووولة الله يسلم تونس دارولها عملية ناااجحة غاديكا والدكتور يشكرو فيه شاطر ماشاءالله كنهدا والله راهي مافيها ما ينشاف سالمة.....هيا فكينا بالله من القرمة وخلي نمشي اوينه خلودة سلامته روح من الخدمة خلي انسخنله المكيرينة عويشة...ايه و الله حتى اني نخاف من الكلام على الناس استغفرالله قالك يوم القيامة يشوشطوهم في النار واهو الظهر يذن هيا قوليلي نوضي صلي !!! هيا نوضي لراجلك توة .................................................. ....... الرجل بعد العودة من العزومة يتصل باخوه الطاهر......الووو الهادي كيف الحال ..شغلتني علاش ما جيتش للعزومة ياراجل؟؟؟ الهادي......مريض والله ما قدرت انجي ولا نتحلحز من مكانى . كيف الامور غادى؟؟؟ الطاهر ..... الحمدلله يسلمو عليك بكبارهم و صغارهم الهادي ....سلمهم وسلم من جاب سلامهم...هيا ماتنساش باش نتلاقو في القهوة الطاهر ..ماشى حاج بالسلامة |
عويشة...ياوخيتي ماجتنيش في اسبوع بنتي لاباس نمشيلها !! قوليلى شنو حطولكم؟؟
سالمة...قولي شنو ماحطولكمش ! حيه حيه اول حاجة جابولنا هذاكا العصير مع شكلاطة فيريرو روشي بعدين الشاهي والمكسرات وكيكة الكيوي ياوخيتى تذوب في الفم وبعدين بدو يفرقو ال...
عويشة.......اسكتي راهو كله بفلوس الحرام راجلها شادينه ..دكوه في دار خالته في قضية اختلاس راهي ماتكسب حاااجة..شنو لابسة بالله عليك؟؟؟
سالمة..... ..اوووه سوارييه ظهر عريان اسود ومطروز بالكريستال يهبل ياوخيتي وهي بيضة حمرا زي الرومية....ما هو امها جبالية ماشاءالله
عويشة.......هاها هدا مش ليها هدا السوارييه طالباته من بنت خالتها حنان شفتها لابساته في حفلة ايناس شنو نسيتي ..بالله على ذكر حنان واخدة راجل سفير في النمسا امالا زي رجالنا اللي طايحين فيهم اووف اهو خير من قعاد الحوش
سالمة .. ... املا كان شفتي بنيتها تقولي قمر وهداكا القد والطول و البيوضية والحاجب والعين الخضرا من بعيد تللش . يا ريت ناخدوها لخوي اصطوفة!!!!
عويشة .... لالالالا منين جتها الخضورية ياحنة اى والله اراك فارحة عدسات عدساااات اني نعرفها
و راهي كانت حووولة الله يسلم تونس دارولها عملية ناااجحة غاديكا والدكتور يشكرو فيه شاطر ماشاءالله كنهدا والله راهي مافيها ما ينشاف
سالمة.....هيا فكينا بالله من القرمة وخلي نمشي اوينه خلودة سلامته روح من الخدمة خلي انسخنله المكيرينة
عويشة...ايه و الله حتى اني نخاف من الكلام على الناس استغفرالله قالك يوم القيامة يشوشطوهم في النار واهو الظهر يذن هيا قوليلي نوضي صلي !!! هيا نوضي لراجلك توة
.................................................. .......
الرجل بعد العودة من العزومة يتصل باخوه
الطاهر......الووو الهادي كيف الحال ..شغلتني علاش ما جيتش للعزومة ياراجل؟؟؟
الهادي......مريض والله ما قدرت انجي ولا نتحلحز من مكانى . كيف الامور غادى؟؟؟
الطاهر ..... الحمدلله يسلمو عليك بكبارهم و صغارهم
الهادي ....سلمهم وسلم من جاب سلامهم...هيا ماتنساش باش نتلاقو في القهوة
الطاهر ..ماشى حاج بالسلامة[/quote]
» اصحاب - قصيدة مؤثرة جداً على الأصحاب
» بوعياد - هافي سفيرهم
» نحن مسلاته
» ليبيا 17 فبرياير
» ما أيفيدكم تهديدي
» رد الشاعر على كلمة (من انتم )
» ما بي مرض غير فقدت احباب
» قصيدة يا طرابلس قوليله