كيف الرأي معاهم؟؟؟؟؟

بسم الله الرحمن الرحيم
الســلام عليكم و رحمة الله و بركاته،،،
في الوقت الذي نترحم فيه على أرواح شهدائنا الأبرار الزكية و نهنئ فيه عائلات الشهداء
لدي استفسار بسيط و مهم دعونا نتكلم بلغتنا الدارجة تاركين اللغة العربية لما يحويه الموضوع من أهمية
تو بالله عليكم الناس اللي فددتنا أيام الثورة و يتغنوا بالنشيد الثالوتي .... و معمر و .... و بس و يضربوا في
الرصاص في الهواء و ما يخوفوا في المدنيين و يعطوا في صورة بشعة للثوار و يصفونهم بالجرذان (حاشاهم من هذا اللفظ) و
كانوا من أسباب تأخير تحرير بعض المدن في ليبيا لخوف الثوار هناك منهم و بعد وصول الثوار و تحرير المدن ما كان منهم إلا
أن يقولوا نحن ثوار و بقوا مع الثوار و بقي السلاح معهم لا و بل يمسكون في بوابات و يشتغلون في المجالس
بأي حق دخلتم و اكتسبتم صفة ثائر و أنتم تصفونهم بالجرذان أي ثائر أنت تي انت منو باش تقول لي ثوار و مش عارف شنو
تي هذا منقز تنقيز و المفروض تأخذوا منه سلاحه مش يهيج بيه في الشوارع و يضرب في الرصاص فوق باش ينزل علي روس الناس
ربي يستر و خلاص
تي من الاخير شئ يفدد
ترا قولوا لي الحل كيف؟

اخي المجلس الوطني عظيم ولن يرضى بأنتشار السلاح

في البداية يا خوي اسباقة العظمة لله و فكنا من جو اللجان الثورية التعظيم لله فقط
ثانيا المشكلة في السلاح لو بايدي نالثوار ما نخافوش منهم لكن في ايدي ناس كانت تحارب مع الطاغية مشكلة
هذا قصدي و مشكور عالمرور

لو أني من اللجان الثوريه يعني مانقدتش الثوره لاكن ليبيا واحده ومايقدرش حد من الطحالب أن يهنيها
وخيي ياريت تحافظ على كلامك شوي
وبعدين والنعمه بالله
انت قريب تقول الله يرحم ايام معمر الطاغوت اللي مش عارف ربي

لا لا لا لا لا لا لا
خيرك يا خوي خالد
أيام الطاغوت الله لا تردها
و الله يا خوي ما نحبه لا هو و لا صغاره من قبل
عالعموم يا خوي هذا تنويه لا أكثر و لا أقل
تي يا راجل نص الرصاص اللي في الهواء من الطابور الخامس باش ينزل عالناس
و ربي يحفظ بلادنا
مش معنى اني فرحان بموت الطاغوت و انتصار الثوار معناها خلاص
لا لا لا
بعدها تو الخدمة الصح يا خالد
تو وقت التنظيف فهمت عليا

و قصدي بيها اللجان الثورية يا خوي خالد
هم ديمة يقولوا علي أي حاجة عظيمة حتى طوبوات النهر طلعوهم عظيمات فهمت عليا تو

توا فهمت عليك وشكراً

عفواُ