قصيدة الدكتورة : قصة حب وزواج لم تكتمل / قصة واقعية

[center][center]قصيدة الدكتوره
يروق خاطري صيوره ويفرح بلم الشمل يادكتوره ينسى صغا الايام
***
مريض بشوقي
وأنت دواء الانظار كيف اتوقي
صوبك جرى في الدم بين عروقي
مايبان في تحليل لافي صوره
ياريت تبقي من صميم حقوقي
يرتاح خاطري تعاود ايام سروره
***
ماني ناسي
اياما علي مرن مريض بياسي
جيتي بلا ميعاد في مجلاسي
كما بدر شق الليل فأجمل صوره
صوبك قعد للعقل هو وسواسي
فيك الشفاء من علتي المطموره
***
لي مده
متقاوي سطير الجرح فايت حده
ياعالمه بالطب جيبي العده
را الدم عندي فاض ع التنتوره
نريدك دواء للعقل راهو سده
تغلي مراجل صوب في تنوره
***
درتلي مشغال
علي طول ليلي ما فضيلي بال
ياريت تقسم ياوسيع الجال
تصونه غلاي وتديرها المستوره
يزهى العقل بغيركم محال
انت دواي وداي ياسنيوره
***
ياالطبيبه
غرامك حرمني من المنام وطيبه
قلبي تعلق بيك زاد لهيبه
والخاطر يهاتي دوم هيا شوره
يانا على الغاوي يريد حبيبه
انكنك جفيته درت شينك دوره
***

يا لايعني
يامن غيابك طال وموجعني
نهاتي عقاب الليل لو تسمعني
بين الجواجي ناركم مكبوره
لوكان نومي بطيفكم يجمعني
ترحل الروح لداركم مجبوره
***
عندك طله
كما وجه الربيع يبان فأجمل حله
تجلي عالمكدود مو حاصلّه
تردي عليه سعادته وحبوره
انت دواء روحي اللي منعله
عندك شهادة طب مي منكوره
***
ان جا مرسالك
ساعة كدى عقلي وضيق مسالك
يشكع الليل اللي ظلامه حالك
تعاود عليه سماحته وبدورا
ياريت تبقيلي ونا نبقالك
صوبك جلا للهم وان اخطوره
***
انكنك غبتي
يخفن اركان العقل ياصاحبتي
خذيتي الروح معاك ما حسبتي
يصيفن اجنانه صوبنا وزهوره
تديريه في جميل كان رجعتي
را صورتك في خاطري محفوره
***
حيرتيني
تشري غلاي ايام وتبيعيني
انكنهو برد حبك تجي في عيني
وانكني هويتك بجفوتك مشهوره
صوبك نقص ما عاد يملا عيني
واللي قسم للعين ترحل شوره
***
يا دكتوره درت الغرام معاك غير ضروره عقلي عليّ رد
***
ياكذابه
زرعك ايبس ماعاد يبقى صابه
ننهى العقل لغيركم ما يابه
يحسابك تقيمي صوب يا مطيوره
حتى و جفاكم لاعني مشهابه
نعدك سحابة صيف مي ممطوره
***

بعزة روحي
نوطا علي عقلي نلم جروحي
صاعب دناكم ياسكم مستوحي
قتيل بغلا حامت عليه انسوره
ياعين صبرك خيرلك ماتنوحي
الا القلب غا لبني طلع من طوره
***
عطيتك ودي
وسقيتك كيسان الغلاء من جدي
ما هو كفانا ترحلي ما تردي
و قصة غلانا باينه منشوره
حتى ودمعي ما يفارق خدي
نواري نساهي نردها مدحوره
***
مغير خساره
شلته عناكم شالني تياره
غلاكم منام تريدله فساره
رموز وطلاسم يكلبن ياحوره
قتلني جفاكم كرني جرجاره
ملطوط بين ياساتك مثيل الكوره
***
يجيكم يوم
يبقى غلاكم كيف طيرالبوم
لاصياد يقنص ولا الصقر يحوم
تعضي صوابع ياس يا مغروره
تركته غلاكم راح في الديموم
نفسي عزيزه ع العصر مفطوره
***

يا دكتوره درتي خطا دارت خطا مجبوره لا تواخذيها العين
*********