دم الشهداء امانه

[ندعوك للتسجيل في المنتدى أو التعريف بنفسك لمعاينة هذه الصورة]



السلام عليكم خوتى وخواتى ,,,
الصلاة على رسول الله والحمد لله على ما أصابنا وعلى ما اعطانا وعلى ما اخد منا سبحانك ربنا واليك عاقبة الامور .
اما بعد ,,,
اليوم نبي نتكلم وباختصار ومـــ الاخير ....
اليوم بعد نهاية الطاغية وانتصار شعبنا العظيم بإذن الله وبسواعد ابطالنا على مختلف الجبهات العسكرية , السياسية , او حتى الاعلامية .....
ليبيا انتهت وبحمد الله من المخاض العسير الـــ مرت بيه بما فيه من آلالام واحزان ممزوجة بنشوة النصر ونتيجة هذا كله مولود إسمــــه ليبيا بدون الظلم والطغيان ليبيا الكرامة ليبيا اصــ ح مش ليبيا قبل .
والمولود هذا يبي اهتمام ورعاية حتى يكبر معانا ومع الاجيال القادمة بس على الطريق الطبيعي وبعيدا عن طريق الشدود والعهر السياسي الماضي .
فيا شباب ليبيا ويا شابات ليبيا الله الله في مولودنا الجديد لازم نتكاثف ونتراحم ونتواضع لبعض ونحاولوا انوسعوا بالنا في المرحلة هذه باش نثبتوا للعالم ان ثورتنا مــ الاخير وما فيش منها ويجب ان تكون طموحات على قد تضحياتنا وما نخلوش دم شهدائنا يمشئ هباء .
نحاولوا بناء انفسنا قبل ما كل شي معليشي لو درنا فورمات للافكار الماضية وانديروا تحديث بما يتماشى مع اهداف ثورتنا ثورة 17 فبراير .
كيف ؟ اكيد مش صعب على شعب اسقط اعتى الدكتاتوريات الممنهجة في العالم دكتاتورية القطب الواحد ان يبنى جيل جديد بافكاره وطموحاته باش على الاقل نرتاحوا من تأنيب الضمير لو اخفقنا لا قدر الله .
خوتى خواتى ارجوكم ابدو بانفسكم فاهليكم فاقربائكم واحبابكم وكل من تعرفون او لا تعرفون لنرقى بـــ ليبيا .....
اللهم هل بلغت اللهم فأشهد